Sulat
Sa sulat kong ito
Binubuhos ko ang aking nararamdaman
Tila parang kadenang gustong kumalas
Na walang pag aalinlangan
Bawat letra ay sumisigaw
Sa papel kong tikom pero
mulat sa katotohanan
Katotohanang ako’y iniwan mo
Katotohanang iba na ang tinitibok ng puso mo
Nilapat ko ang tinta
Na wari mo umiiyak ng tuloy- tuloy
Akala mo kami’y iisa
At tinapos ko ang sulat na ito sa isang tuldok
Pero wala akong balak ibigay sayo ito
Kundi itatago ko ito sa munting kahon
Papalipasin ang panahon
Sa muling pagbuklat at pagbasa ng sulat ko na para sayo
Masasabi ko ako’y ayos na at ikaw ay isang nakaraan na lamang
Jeep
Naghihintay ako ng jeep sa may kanto
Pinara ko ito at umupo
Sabay banggit ng “bayad po”
Habang binabagtas ko
Ang aking pupuntahan
Iba’t ibang tao
Ang aking pinagmamasdan
May nakatulog sa pagod
May nakangiti na pawang kinikiliti
May Naghuhuntahang dalawang babae
Akala mo di na magkikita muli
May pumukaw sa aking tabi
Isang paslit na nakatingin
Na parang may gustong sabihin sa akin
Ngumiti siya sa akin
Sabay ngiti ko rin sakanya
Pero isang malakas na “para po”
At sabay baba nila ng kaniyang ina
Isa akong estranghero para sakanya
Pero nagawa naming ngitian
Ang isa’t isa
Simpleng bagay
Simpleng ngiti nia
Ako’y napasaya niya
Together
Sweet thoughts running through my
head
One smile
One glance
One laugh of you
And i will be ok
But if you give me a kiss
A kiss of nostalgia
A kiss of summer
Its a bonus
That i will never forget
liwanag
Binabagtas mo ang daan
ng kadiliman ng walang katapusan
ikaw ay hinihingal
sa paglakad
lakad lang ng lakad
na walang nararating
at hindi alam ang pupuntahan
nangamba ako
puno ng takot sa buong kalamnan
takbo lang ang isang paraan
at walang tubig na maasahan
nakaramdam ng sakit
ang talampakan
tila parang may kung anong
likido at hapdi
ang iyong nararamdaman
nangangapa sa dilim
nagmamakaawang palabasin
sumisigaw
hanggang maubusan ng hangin
awang awa sa sarili
kaylan pa matatapos ang pasakit na ito
biglang sulyap ng liwanag
na parang narinig ang iyong hinaing
hinaing na kumawala sa dilim
at ikaw ay
huminga ng malalim
Duyan
Sa Araw Araw ng aking pag gising
mukha mo ang nais kong makita
kulubot mong mukha
ngiting walang bukas
at hagikhik mong kay saya saya
Isang Araw sa aking pag gising
Tila may bago sayo mukha
kulay luya mong balat
humahapo mong pag hinga
nangungusap na mga mata
at mabagal na paglakad
May mga araw na ika’y
nakatingin sa kawalan
nilalasap ang mga oras
habang ikaw ay nasa duyan
tinawag mo ako
at pinili mo ang
titigan at sauluhin ang mga pekas
at kulubot kong mukha
na yaong may pinagdadaanan
sabay ngumiti ka
Hunyo bente sais
alas onse sa gabing yun
Hinanap kita at natagpuang
natutulog sa iyong duyan
natutulog nga ba?
lumapit ako na may kaba sa dibdib
walang senyales ng pag hinga
umupo ako sa yong tabi at umiyak
Niyakap ng kay higpit higpit
ang brasong mong nilalamig
hinawakan ko ang yung mukha
baka sakali ang init
na galing sa aking palad ay
mahugot ang iyong hininga
Kinabukasan pag gising ko
bahay ay tahimik
naglakad ako papunta sa iyong duyan
umupo’t at kinakausap ang hangin
sa pag asang maririnig mo ito
Napatingin ako sa langit
inaalala ang yong mukha
tumulo ang luha
pero alam ko na
ikaw ngayon ay masaya na
Alaala
pinili mo mag isa
pinili mo magkulong sa kwadrado
mong kuwarto at humiga
kinumpas ang mga kamay
na wari may inaabot ka at
sumasabay sa isapan mo
ang dating alaala
alaala na buo ka
alaala na ika’y masaya
ng bigla na lamang tumulo
ang iyong luha
niyakap mo ng mahigpit
ang iyong sarili
at sinambit ang mga katagang
“ayos lang yan magiging ok ka”
SANA
May mga bagay na hindi mo na puwede ipilit pa
Lalo na isa sa inyo bumitaw na
May mga araw na naging masaya kayo, pero mas lamang ang lungkot na nadarama
Oo naging sakim ako
Pero masisi mo ba ako
eh! mahal kita
Nagdaan ang mga araw,
buwan at taon
Na di tayo nagkita
Kanyang kanyang
buhay kung baga
Pero ito tayo nagkita muli
Di ko malaman ang gagawin
Aatras ba o Aabante
Pero mas pinili nalang ntin
daanan ang isa’t isa
Hanggang ngayon kasi
umaasa padin ako
Na sana tayo pa
Na sana tayo nga…….
by:Daphne
I’m living in a loneliness
A place i don’t belong
in a place that so dark & empty
in a place where my shadow be with me
A memory repeated itself
if only tears is a key
i want to escape
& ill run to a door that
full of happiness
Daphne 